Rreth pesë muaj pas ndarjes së tyre, personazhet ‘VIP’, Alexandra Panagiotarou dhe Stathis Schizas patën një moment të vështirë në një klub nate.
Influencuesja e Instagramit, ka zgjedhur këtë ambient të veçantë për të festuar ditëlindjen me miqtë e saj. Sipas një raportimi të emisionit “Summer Po”, ish-lojtari i “Survivor”-it po i hidhte lule ish-partneres së tij dhe kjo gjë ka acaruar Alexandra Panagiotarou.
Më pas, kur Stathis Schizas i është afruar dhe në videon e publikuar nga emisioni, duket se kanë një dialog intensiv. Në një moment, Stathis Schizas i ka kapur për dore dhe ajo ka reaguar menjëherë.
“Nuk dua të flas fare për këtë njeri”
Ata e konfirmuan ndarjen e tyre majin e kaluar, kur tashmë kishin filluar të qarkullonin njoftime se kishin marrë rrugë të ndara.
Që atëherë, në çdo dalje publike atyre u janë bërë pyetje për njëri-tjetrin. Kur influencuejsa ishte në ‘MAD VMA’ në qershor foli me kamerat e emisioneve argëtuese që ishin aty. Lidhur me ndarjen e saj ajo u shpreh: “Në një ndarje dhe në përgjithësi, në çdo marrëdhënie, nuk mund të dish se çfarë ndodh kur mbyllet dera. Unë jam një person që nuk më pëlqen të ekspozoj njerëzit e mi. Edhe nëse e di që duke e bërë histori, të gjithë do të jenë në favorin tim. Edhe në këtë rast nuk e bëj, sepse respektoj personin që kam pranë”.
Kur u pyet më pas për Stathis Schizën, ajo u shpreh: “Nuk dua të flas fare për këtë njeri. Sigurisht që i kam të gjitha gjërat e mia, më pëlqejnë gjërat e mia. Nuk ia ktheva dhuratat, as ai dhuratat që i kisha bërë. Gjithçka ndodhi shumë shpejt, nuk u futa fare në këtë proces”.
Takimi i tyre në Mykonos – Nuk shkëmbyen fjalë
Në fund të korrikut, Alexandra Panagiotarou ndodhej në Mykonos, ku ish-partneri i saj ndodhej me pushime, së bashku me dy ish-shokët e tij të skuadrës, George Asimakopoulos dhe Nikos Bartzis.
Kamera e Mykonos Live TV ka pikasur çiftin në ishull, ku njëri ishte shumë afër tjetrit. Mirëpo, jo vetëm që nuk folën, por as u përshëndetën.
Në fakt, kur Alexandra Panagiotarou e kuptoi praninë e ish-partnerit të saj, ktheu kokën, pa kërkuar megjithatë të komunikonte me të. Pak minuta pasi ajo ishte pranë tij, Stathis Schizas u largua nga vendi i ngjarjes.
